"ПСЖ" ҳужумчиси Килиан Мбаппе Франция президенти Эммануэл Макрон ҳужумчининг Париж клуби билан шартномаси янгиланганидан хурсанд бўлганини айтди.
“Биз президент билан кўп гаплашдик. У менинг "ПСЖ"да қолишимни хоҳлаган. Футбол ўзгарганини, жамиятда муҳим ўрин эгаллаганини англадим.
Мен унга қароримни айтдим, у жуда хурсанд эди. Йўқ, Макрон қароримга таъсир қилмади. Мен уни жуда ҳурмат қиламан, лекин у қолишни илтимос қилгани учун қарор қабул қилмадим. Аммо бу сабаблардан бири эди", - дея Мбаппе сўзларини келтирган AFP.
Эслатиб ўтамиз, Мбаппе парижликлар билан 2025 йилгача мўлжалланган янги шартнома имзолади.
