Праганинг “Спарта” клуби ҳужумчиси Адам Гложек фаолиятини Германия чемпионатида давом эттириши мумкин.
19 ёшли ҳужумчи хизматларига Леверкузеннинг "Байер" клуби қизиқиш билдирмоқда. Бу ҳақда журналист Фабрицио Романо ижтимоий тармоқлар орқали хабар берди.
Инсайдернинг сўзларига кўра, келишув “доричилар”га 13 миллион еврога тушади. Яқин орада Гложек тиббий кўрикдан ўтади ва шартнома имзолайди. У ҳужумда эронлик Сердар Азмун билан рақобатлашади.
Гложек "Спарта" академиясининг битирувчиси. Прага клуби таркибида у 132 та ўйин ўтказиб, 40 та гол урган ва 36 та голли узатмани амалга оширган.













