“Зенит” клубининг россиялик эндиликдаги собиқ ҳужумчиси Артём Дзюба фаолиятини Шимолий Америкада давом эттириши даргумон.
"Матч ТВ" маълумотларига кўра, ҳеч бир МЛС клуби Дзюба билан шартнома имзоламайди, чунки лигада "ёзилмаган қонун"бор, яъни Россия ва Беларусдан футболчилар олмаслик.
Манбага кўра, бундан ташқари, Америка клублари кўпроқ ёш ўйинчиларни сотиб олишга эътибор қаратишган, кейинчалик уларни янада фойдалироқ сотиш мумкин.
Эслатиб ўтамиз, яқинда Артём Дзюба Санкт-Петербургнинг "Зенит" жамоасини тарк этишини маълум қилганди. Айни дамда 33 ёшли россиялик форвард эркин агент мақомида.













