"Манчестер Юнайтед" "Барселона"дан ярим ҳимоячи Френки де Йонгнинг келажаги борасида тезроқ бир қарорга келишини сўрамоқда. Эслатиб ўтамиз, Манчестер клубининг янги бош мураббийи Эрик тен Хаг ярим ҳимоячини ўз жамоасида кўришни истайди.
Goal нашри хабарига кўра, "Манчестер Юнайтед" Де Йонгнинг келажакдаги режалари ҳақида иложи борича тезроқ билиб олмоқчи. Футболчи аввалроқ ўйин амалиёти билан боғлиқ муаммоларга қарамай, "Барселона"да қолишни исташини айтганди.
Шунингдек, "Барселона" бош мураббийи Хави молиявий муаммолар туфайли клуб Де Йонгни сотиши мумкинлигини тасдиқлаган эди.
