«Интер» бош мураббийи Симоне Индзаги кейинги мавсумда дарвозабонлар Самир Ханданович ва Андре Онанани алмаштиради.
Аввалроқ, кўплаб нуфузли манбалар камерунлик футболчининг «нерадзуррилар» лагерига кўчиб ўтишга яқин эканини тасдиқлаган эди.
Calciomercato хабарига кўра, келаси мавсумда Онана ва Ханданович мунтазам равишда «Интер»да биринчи рақамда бир-бирини алмаштириб туришади.
Худди шундай амалиёт жорий мавсум Римнинг «Лацио»сида ҳам кузатилди, у ерда бош мураббий Маурицио Сарри кўпинча дарвозабонлар Томас Стракоша ва Пепе Рейнани алмаштирганди.
