Ҳужумчи Ришарлисон ёзги трансфер ойнасида “Эвертон”ни тарк этиши мумкин. Daily Mail хабарига кўра, бразилиялик футболчига "Тоттенхэм", "Реал" ва "ПСЖ" клублари қизиқиш билдирмоқда.
Аввалроқ, 25 ёшли бразилиялик топ-клубда ўйнашни хоҳлаётгани ҳақида хабар берилганди. Шунингдек у Англияда қолишни афзал кўради.
Жорий мавсумда Ришарлисон барча турнирларда 32 та ўйинда майдонга тушиб, 10 та гол урди ва 5 та голли узатмани амалга оширди. Ҳужумчининг клуб билан шартномаси 2024 йилнинг 30 июнига қадар мўлжалланган.