"Бавария" ҳимоячиси Бенжамин Павар ёзда жамоани тарк этмоқчи эмаслигини айтди. Франция терма жамоаси футболчисига "ПСЖ" қизиқиш билдирмоқда.
"Мен "Бавария"да жуда бахтлиман. Мен дунёнинг энг яхши клубларидан бирида ўйнайман. "ПСЖ" жуда яхши лойиҳага эга жуда яхши клуб, аммо мен бу вариант ҳақида ўйламайман", - деди Павар.
Маълумот учун, ҳимоячининг амалдаги шартномаси 2024 йилнинг ёзига қадар мўлжалланган. Transfermarkt футболчининг нархини 30 миллион еврога баҳоламоқда.
Жорий мавсумда Павар барча мусобақаларда 36 та ўйинда майдонга тушди ва 2 та голли узатмани амалга оширди.
