"Манчестер Сити"нинг собиқ ҳужумчиси Серхио Агуэро "Реал" ва "Ливерпуль" ўртасидаги Чемпионлар лигаси финали ҳақида фикр билдирди. Эслатиб ўтамиз, турнирнинг ҳал қилувчи ўйини эртага Тошкент вақти билан 00:00 да бўлиб ўтади.
"Менимча, "Реал Мадрид" анча тажрибали жамоа, аммо "Ливерпуль" сўнгги йилларда Чемпионлар лигасида ажойиб ўйин кўрсатмоқда. Ўйин тенг кечади, аммо ўйлайманки, “Реал” кубокни ўзиники қилади, чунки уларда тажриба кўпроқ”, — дея Агуеронинг сўзларини келтиради Anfield Watch.
Эслатиб ўтамиз, Мадриднинг “Реал” клуби бундан 4 йил аввал Чемпионлар лигаси финалида “Ливерпуль”ни мағлуб этганди.
