"Ливерпуль" ҳужумчиси Роберто Фирмино жамоада қолиш истагини билдирди. Эслатиб ўтамиз, бразилияликнинг мерсисайдликлар билан шартномаси Салоҳ ва Мане билан бўлгани каби келаси мавсум охирида якунига етади.

"Ливерпуль"да ўйнаш бахтига эришганим учун Худога шукур. Албатта, бу мавсум ҳам "Ливерпуль"да қолишни истардим", - дея бразилиялик ҳужумчининг сўзларини келтиради клуб расмий сайти.

Олдинроқ Фирмино жароҳати туфайли мавсумнинг бир қисмини ўтказиб юборишга мажбур бўлганди. Шу билан бирга, бразилиялик эртага бўлиб ўтадиган "Реал"га қарши Чемпионлар лигаси финалида иштирок этиши ҳам сўроқ остида.