"ПСЖ" ҳужумчиси Килиан Мбаппе нега француз клуби билан шартномасини узайтиришга қарор қилганини айтди.
23 ёшли ҳужумчи "ПСЖ" билан совринлар ютиш ва тарихий рекордларни ўрнатиш имкониятига эга бўлишига ишонмоқда.
"Клуб янги даврни бошлашни режалаштирмоқда ва менинг ҳикоям ҳали тугамаган. Мен ҳар доим энг зўр бўлишни хоҳлаётганимни айтдим ва кетмаслигим керак эди. "ПСЖ"даги тарихим янада чиройли бўлиши мумкинлигига ишонаман", - дея Мбаппенинг сўзларидан иқтибос келтиради Téléfoot.
Ўтган мавсумда форвард жамоаси сафида 46 та ўйинда иштирок этиб, 39 та гол урди ва 26 та голга ассистентлик қилди.
