"Лейпциг" ҳужумчиси Кристофер Нкунку ёзда "ПСЖ"га ўтишини истисно қилмади.
24 ёшли франциялик Париж клуби тарбияланувчиси ҳисобланади.
“Париж менинг уйим ва севимли клубим. Футболда ҳамма нарса мумкин. Дунёнинг энг яхши клублари сизга қизиқиш билдириши - ажойиб. Аммо "Лейпциг" мени сақлаб қолиш учун қўлидан келган барча ишни қилаётганини кўриш ҳам ажойиб”, - деди Нкунку.
Маълумот учун, Кристофер Бундеслиганинг 2021/22 йилги мавсумининг энг яхши футболчиси деб топилди.
Жорий мавсумда ҳужумчи чемпионатда “Лейпциг” сафида 34 та ўйинда майдонга тушиб, 20 та гол урди ва 15 та голли узатмани амалга оширди.
Унинг клуб билан шартномаси 2024 йилнинг июнида якунига етади.
