“Наполи” ярим ҳимоячиси Маттео Политано ёзги трансфер ойнасида неаполликлар сафини тарк этиши мумкин. Бу ҳақда Италия ОАВлари хабар бермоқда.
Политано жорий мавсумда жамоаси сафида 39 та ўйинда майдонга тушди. Футболчи бешта гол урди ва еттита голли узатмани ҳам амалга оширди. Маттео Политанонинг клуб билан шартномаси 2024 йилнинг 30 июнига қадар амал қилади. Transfermarkt портали 28 ёшли футболчининг нархини 28 миллион еврога баҳоламоқда.
"Наполи" мавсумни А серияда учинчи ўринда якунлади. Неаполликлар 38 учрашувда 79 очко тўплашди. Спалетти шогирдлари турнирда ғолиб чиққан “Милан”дан 7 очко ортда қолди.