"Интер" ярим ҳимоячиси Иван Перишич "Тоттенхэм"га ўтади. Бу ҳақда журналист Фабрицио Романо хабар берди.
Манба берган хабарга кўра, футболчи тиббий кўрикдан муваффақиятли ўтган ва инглиз клуби билан икки мавсумга шартнома имзолаган. Тез орада хорватиялик ярим ҳимоячининг трансфери ҳақида расман эълон қилиниши кутилмоқда.
Олдинроқ Перишичнинг инглиз клубидаги маоши йилига 6 миллион еврони ташкил қилиши хабар қилинганди.
33 ёшли футболчи 2015 йилдан буён ҳаракат қилиб келаётган "Интер"ни шартномаси якунланганидан сўнг тарк этади. Ўтган мавсумда Иван Перишич Италия клуби сафида барча турнирлар доирасида 49 та ўйинда майдонга тушиб, 10 та гол урган ва 9 та голга ассистентлик қилган.
