"Inter" yarim himoyachisi Ivan Perishich "Tottenxem"ga o‘tadi. Bu haqda jurnalist Fabrisio Romano xabar berdi.
Manba bergan xabarga ko‘ra, futbolchi tibbiy ko‘rikdan muvaffaqiyatli o‘tgan va ingliz klubi bilan ikki mavsumga shartnoma imzolagan. Tez orada xorvatiyalik yarim himoyachining transferi haqida rasman e’lon qilinishi kutilmoqda.
Oldinroq Perishichning ingliz klubidagi maoshi yiliga 6 million yevroni tashkil qilishi xabar qilingandi.
33 yoshli futbolchi 2015 yildan buyon harakat qilib kelayotgan "Inter"ni shartnomasi yakunlanganidan so‘ng tark etadi. O‘tgan mavsumda Ivan Perishich Italiya klubi safida barcha turnirlar doirasida 49 ta o‘yinda maydonga tushib, 10 ta gol urgan va 9 ta golga assistentlik qilgan.
