"Ювентус" бош мураббийи жамоани эркин агент мақомида тарк этадиган ҳужумчи Пауло Дибалага маслаҳат берди. Эслатиб ўтамиз, аргентиналик ҳужумчи учун курашда "Интер" пешқадамлик қилмоқда.
"Менимча, у ўзини қайта кашф қилиши керак. Уни тез-тез Месси билан солиштирадиган пайтлар бўлган, лекин у ўзига эътибор қаратиши лозим, чунки у кўп нарсага қодир. Дибаланинг футболга берадигани кўп фазилатлар бор", - дея Аллегри сўзларини келтиради Football Italia.
Пауло Дибала "Ювентус"га 2015 йилнинг ёзида "Палермо"дан келиб қўшилган эди. Аргентиналик футболчи "кекса синьора" тарихидаги энг яхши ўнинчи ўйинчи сифатида клубни тарк этди.
