"Барселона" ярим ҳимоячи Франк Кессиэ ва ҳимоячи Андреас Кристенсен бўйича келишувга эришди. Иккала футболчи ҳам жамоага эркин агент сифатида қўшилади, аммо молиявий фейр-плей туфайли ҳозирча уларни рўйхатдан ўтиш мумкин эмас. Бу ҳақда журналист Фабрицио Романо хабар берди.

Манбага кўра, Кессиэ ҳам, Кристенсен ҳам "Барселона"га келиб қўшилиши аниқ. Уларнинг трансфери вақт масаласи.

25 ёшли Кессиэнинг аввалги мавсумни "Милан" сафида ўтказди. У барча мусобақаларда 39 та ўйинда 7 та гол урди ва голли узатмани амалга оширди.

26 ёшли Кристенсен 2012 йилдан буён “Челси” шарафини ҳимоя қилиб келаётган эди. 2021/22 йилги мавсумда даниялик 34 ўйинда қатнашиб, иккита гол урди ва голли узатма берди.