"Манчестер Юнайтед"ни эркин агент сифатида тарк этаётган ярим ҳимоячи Пол Погба инглиз грандидан ажойиб бонус олади. Бу ҳақда Daily Mail'га маълум бўлди.
Манбанинг хабар беришича, манкунианликлар франциялик футболчига содиқлик учун 4,5 миллион евро тўлайди.
Погба 2016 йилдан бери “қизил иблислар” вакили ҳисобланрди. "Манчестер Юнайтед" унинг трансфери учун 105 миллион евро тўлаган.
Туриннинг "Ювентус" клуби Полнинг янги иш жойига айланиши кутилмоқда. Италия гранди франциялик футболчига саккиз миллион евро маош билан шартнома таклиф қилди.
