“Интер” ва Аргентина терма жамоаси ҳужумчиси Лаутаро Мартинес келажаги ҳақида гапирди.

24 ёшли ҳужумчи Европанинг бир қатор нуфузли клублари қизиқишига қарамай, Италия жамоаси таркибида ўйинларини давом эттириш ниятида эканлигини маълум қилди.

"Менинг режам жуда аниқ: мен кейинги мавсумда "Интер"да қолишни жуда хоҳлайман. Ҳозирча мен бу ҳақда клуб билан гаплашмадим, лекин “Интер”да ўйнашни давом эттирмоқчиман”, - дея Мартинес сўзларини келтиради журналист Фабрицио Романо.

Ўтган мавсумда Мартинес “нерадзурри” сафида 49 та ўйинда майдонга тушиб, 25 та гол урди ва 4 та голга ассистентлик қилди.