“Inter” va Argentina terma jamoasi hujumchisi Lautaro Martines kelajagi haqida gapirdi.

24 yoshli hujumchi Yevropaning bir qator nufuzli klublari qiziqishiga qaramay, Italiya jamoasi tarkibida o‘yinlarini davom ettirish niyatida ekanligini ma’lum qildi.

"Mening rejam juda aniq: men keyingi mavsumda "Inter"da qolishni juda xohlayman. Hozircha men bu haqda klub bilan gaplashmadim, lekin “Inter”da o‘ynashni davom ettirmoqchiman”, - deya Martines so‘zlarini keltiradi jurnalist Fabrisio Romano.

O‘tgan mavsumda Martines “neradzurri” safida 49 ta o‘yinda maydonga tushib, 25 ta gol urdi va 4 ta golga assistentlik qildi.