Ярим ҳимоячи Серхио Бускетс Испания терма жамоасида ўтказган ўйинлари сони бўйича кучли учликдан жой олди.
Испанларнинг Португалия терма жамоасига қарши бугунги ўйини 33 ёшли ярим ҳимоячи учун терма жамоадаги 135-ўйин бўлади, деб хабар беради Opta.
Бу кўрсаткич бўйича у «Барселона»даги собиқ жамоадошлари - мос равишда тўртинчи ва бешинчи ўринларни банд этган Хави ва Иньестани ортда қолдирди.
Айни дамда Бускетс ушбу рўйхатда ҳимоячи Серхио Рамос (180 ўйин) ва собиқ дарвозабон Икер Касильясдан (167 ўйин) кейин учинчи ўринда бормоқда.
