Бельгия 25 йил ичида илк бор Нидерландияга мағлуб бўлди.
Роберто Мартинес шогирдлари Миллатлар лигасининг 1-турида ўз майдонида Луи ван Гал шогирдларига йирик ҳисобда мағлуб бўлди (1:4). “Барселона” ҳужумчиси Мемфис Депай иккита гол урди.
Бу Нидерландиянинг 21-асрда Бельгия устидан қозонган илк ғалабаси. Охирги марта "Лолалар юрти" 1997 йил сентябр ойида ЖЧ-1998 саралашида ғалаба қозонган (3:1).
Ўшандан бери Бельгия икки марта ғалаба қозонган, яна 6 учрашув дуранг билан якунланган. Бугун 21-асрда жамоалар ўртасидаги биринчи расмий ўйин бўлиб ўтди, бунгача фақат ўртоқлик учрашувлари бўлган эди.
