"Манчестер Юнайтед" ҳужумчиси Криштиану Роналду клубдаги ёш футболчиларининг истиқболлари ҳақида гапирди.

“Мен ёш авлодга имконият беришимиз тарафдориман, чунки улар - келажак. Биз уларга вақт, имконият беришимиз ва босимсиз нормал ўсишига имкон беришимиз керак.

Муваффақиятга эришиш учун улар кўп меҳнат қилишлари ва фидойиликка эга бўлишлари кераклигини тушунишади. Албатта, агар ёш йигитлар мендан маслаҳат сўрашса, ўз фикримни ва маслаҳатимни билдираман, чунки мен уларга ёрдам беришни хоҳлайман", - дея Роналдунинг сўзларини келтиради Mirror.

Эслатиб ўтамиз, 37 ёшли португалиялик Криштиану Роналду 24 та гол ва 3 та голли узатмани амалга ошириб, "Манчестер Юнайтед"нинг якунланган мавсумининг энг яхши тўпурарига айланди.