"Вулверхэмптон" ярим ҳимоячиси Рубен Невеш фаолиятини шу ёзда "Рома"да давом эттириши мумкин. Calciomercato хабарига кўра, португалияликнинг трансферига римликлар бош мураббийи Жозе Моуриньонинг шахсан ўзи қизиқмоқда.
Эслатиб ўтамиз, Невешнинг номзоди "Манчестер Юнайтед" раҳбарияти томонидан ҳам фаол кўриб чиқилмоқда. "Порту"нинг собиқ сардорига "қизил иблислар" бош мураббийи Эрик тен Хаг ёқади, аммо унинг трансфери клуб учун устувор вазифа эмас.
Невеш 2017 йилнинг ёзидан буён "бўрилар" сафида ўйнамоқда.