"Арсенал" Жанлука Скамаккага қизиқиш билдирмоқда.
La Republica нашри хабарига кўра, Лондон жамоаси бош мураббийи Микел Артета "Сассуоло" ҳужумчисини анчадан бери кузатиб юрган.
Футболчига "Интер" ёқади, аммо "нерадзуррилар" Пауло Дибала ва Ромелу Лукакуни сотиб олмоқчи бўлганлиги сабабли Милан клуби билан музокаралар тўхтаб қолди.
"Арсенал" ҳужумчининг трансфери учун 35 миллион евро таклиф қилишга тайёр. "Сассуоло" 50 миллион талаб қилмоқда. Яқин кунларда музокаралар фаол босқичга ўтади.
23 ёшли футболчи ўтган мавсум А Серияда 36 ўйин ўтказиб, 16 гол урган.
