"Ливерпуль" ярим ҳимоячиси Жеймс Милнер клубда қолиш учун маошини камайтиришга тайёр, деб хабар беради The Athletic.
Манбага кўра, янги шартнома яна бир йил давом этади. Томонлар аллақачон музокараларни бошлаб юборишган.
“Ливерпул” матбуот хизмати хабарига кўра, аввалроқ Милнер футбол ва хайрия ишларига кўрсатган хизматлари учун Британия империясининг “Кавалер” даражасига сазовор бўлган.
У узоқ профессионал фаолияти ва Буюк Британияда ёшларнинг соғлом дам олишини тарғиб қилиш мақсадида хайрия жамғармасини ташкил этгани учун мукофотланган.
Милнер жорий мавсумда барча турнирларда 35 та ўйинда майдонга тушиб, 3 та голли узатмани амалга оширди.
