"Liverpul" yarim himoyachisi Jeyms Milner klubda qolish uchun maoshini kamaytirishga tayyor, deb xabar beradi The Athletic.

Manbaga ko‘ra, yangi shartnoma yana bir yil davom etadi. Tomonlar allaqachon muzokaralarni boshlab yuborishgan.

“Liverpul” matbuot xizmati xabariga ko‘ra, avvalroq Milner futbol va xayriya ishlariga ko‘rsatgan xizmatlari uchun Britaniya imperiyasining “Kavaler” darajasiga sazovor bo‘lgan.

U uzoq professional faoliyati va Buyuk Britaniyada yoshlarning sog‘lom dam olishini targ‘ib qilish maqsadida xayriya jamg‘armasini tashkil etgani uchun mukofotlangan.

Milner joriy mavsumda barcha turnirlarda 35 ta o‘yinda maydonga tushib, 3 ta golli uzatmani amalga oshirdi.