Ярим ҳимоячи Лука Модрич ва Мадриднинг “Реал” клуби шартномани узайтиришга келишиб олди. Фабрицио Романонинг сўзларига кўра, келишув 8 июнь, чоршанба куни расман эълон қилиниши режалаштирилган.

Томонлар 2023 йилгача бўлган шартнома борасида келишиб олдилар. Қолаверса, 36 ёшли хорватиялик футболчига футболчилик фаолиятини якунлагач, клуб тизимида ишлаш имконияти таклиф қилинган.

Эслатиб ўтамиз, хорватиялик ярим ҳимоячи 2012 йилнинг августида Англиянинг "Тоттенхэм" клубидан "Реал"га ўтган эди. Клуб билан у 20 та совринни қўлга киритди.

Модрич якунланган мавсумда Мадрид клуби сафида 45 та ўйинда майдонга тушиб, 3 та гол урди ва 12 та голли узатмани амалга оширди.