“Пари Сен-Жермен” клубининг испаниялик ҳимоячиси Серхио Рамос ёзги трансфер ойнасида жамоани тарк этмайди, деб хабар беради Le Parisen.
Манба берган хабарга кўра, француз клуби раҳбарияти дастлаб футболчининг жароҳати туфайли ундан қутулмоқчи бўлган. Бироқ, кейин клуб раҳбарлари испаниялик ёш жамоадошларига яхши таъсир ўтказган деб қарор қилишди.
Ўтган мавсумда 36 ёшли Рамос "ПСЖ" сафида барча турнирлар доирасида 13та ўйинда майдонга тушиб, 2та гол урган. Унинг клуб билан шартномаси 2023 йилнинг ёзига қадар мўлжалланган.
