"Манчестер Сити" халқаро ўйинлардан сўнг "Лидс" ярим ҳимоячиси Калвин Филлипснинг трансфери устида иш бошлайди, деб хабар беради Daily Telegraph.
Манба берган хабарга кўра, "шаҳарликлар" 26 ёшли ярим ҳимоячини ёзда жамоани тарк этиши мумкин бўлган Фернандиньога ўринбосар сифатида кўрмоқда.
Шу билан бирга, “Сити”дан ташқари “Лидс” ярим ҳимоячисига “Арсенал”, “Астон Вилла”, “Вест Хэм” ва “Манчестер Юнайтед” ҳам даъвогарлик қилмоқда.
Филлипс жорий мавсумда “Лидс” сафида 23 та ўйинда майдонга тушиб, 1 та гол урди ва 1 та голли узатмани амалга оширди. Унинг клуб билан шартномаси 2024 йилнинг 30 июнига қадар мўлжалланган.