“Реал” ярим ҳимоячиси Лука Модрич Мадрид клуби билан шартнома узайтирилгани ҳақида фикр билдирди. 36 ёшли хорват билан янги шартнома 2023 йилнинг 30 июнига қадар мўлжалланган.
"Дунёнинг энг яхши клубида ўйнашда давом этаётганимдан жуда хурсандман", - деб ёзди Модрич ижтимоий тармоқда. - 10 йил давомида мен орзу қилган нарса - "Реал Мадрид" либосини кийиш. Лекин мен ҳали ҳам клубдаги биринчи кунимдек ҳаяжондаман. Давом этамиз. Ҳала Мадрид.
Ярим ҳимоячи ўтган мавсумда "Реал" сафида 45 ўйинда 3 та гол урди ва 12 та голли узатмани амалга оширди. Хорват 2012 йилнинг 27 августида 35 миллион евро эвазига “Тоттенхэм”дан Мадрид клубига ўтган эди.
