“Атлетико” “Ланс” ҳимоячиси Жонатан Клаусс билан музокаралар олиб бормоқда, деб хабар беради Sport.es.

Қишдаги муваффақиятсиз трансфер уринишларидан сўнг, "матрасчилар" ёзги трансфер ойнасида ўнг қанот ҳимоячиси позициясини мустаҳкамлашга қарор қилишди. Франция терма жамоасининг 29 ёшли футболчисининг номзоди ҳозирда жамоа учун устувор ҳисобланади.

Клаусс ўтган мавсумда “Ланс” сафида 40 та ўйинда майдонга тушиб, 5 та гол урди ва 11 та голли узатмани амалга оширди.

Унинг клуб билан шартномаси 2023 йилнинг июнигача амал қилади.