"Манчестер Сити" ярим ҳимоячиси Бернарду Силва мавсум оралиғида клубини ўзгартирмоқчи. Португалиялик футболчи “Барселона” уни “шаҳарликлар”дан сотиб олишига умид қилмоқда. Бу ҳақда Испаниянинг Mundo Deportivo нашри хабар бермоқда.
Силва ўтган ёзда "Манчестер Сити"ни тарк этмоқчи эди, аммо кейин бош мураббий Хосеп Гвардиола футболчини қолишга кўндирган, шундан сўнг у асосий жамоада тез-тез майдонга туша бошлаган.
Силвага ўтган ёздан бери "Атлетико Мадрид" даъвогарлик қилмоқда, аммо "Барселона"га ўтиш португалиялик учун фаолиятини давом эттириш учун устувор вариант ҳисобланади.
