"Ливерпуль" бош мураббийи Юрген Клопп ҳужумчи Дарвин Нуньес билан гаплашиб, уни ёзда мерсисайдликлар клубига ўтишга кўндирмоқчи бўлган.
Кеча "Ливерпуль" Нуньеснинг трансфери бўйича "Бенфика"га илк таклифни юборишга ҳозирлик кўраётгани маълум бўлди. Мерсисайдликлар уругвайлик ҳужумчи учун бонуслар билан бирга 100 миллион евро тўлашга тайёр.
Нуньес ўтган мавсумда "Бенфика" сафида 26 та гол урди. Уругвайлик футболчи Лиссабон клубига 2020 йилнинг ёзида Испаниянинг "Алмерия" жамоасидан келиб қўшилган эди.