"Зенит"нинг собиқ ҳужумчиси Артём Дзюба "Фенербахче" клуби билан музокара ўтказиш учун Истанбулга учиб кетди, дея хабар бермоқда шарҳловчи Дмитрий Шнякин ўзининг телеграм-каналида.
Манба берган хабарга кўра, Дзюба мавсумига 2 миллион евро маош билан шартнома имзоламоқчи, бироқ турк клуби раҳбарияти шартномада камроқ миқдорни келишиб олмоқчи.
Эслатиб ўтамиз, ўтган мавсум якунида 33 ёшли Дзюба 2015 йилдан буён ўйнаб келаётган "Зенит"ни тарк этишини эълон қилганди.
Ўтган мавсумда ҳужумчи Петербург клуби сафида 39 та ўйин ўтказиб, 13 та гол урган ва 10 та голли узатмани амалга оширган.
