"Zenit"ning sobiq hujumchisi Artyom Dzyuba "Fenerbaxche" klubi bilan muzokara o‘tkazish uchun Istanbulga uchib ketdi, deya xabar bermoqda sharhlovchi Dmitriy Shnyakin o‘zining telegram-kanalida.

Manba bergan xabarga ko‘ra, Dzyuba mavsumiga 2 million yevro maosh bilan shartnoma imzolamoqchi, biroq turk klubi rahbariyati shartnomada kamroq miqdorni kelishib olmoqchi.

Eslatib o‘tamiz, o‘tgan mavsum yakunida 33 yoshli Dzyuba 2015 yildan buyon o‘ynab kelayotgan "Zenit"ni tark etishini e’lon qilgandi.

O‘tgan mavsumda hujumchi Peterburg klubi safida 39 ta o‘yin o‘tkazib, 13 ta gol urgan va 10 ta golli uzatmani amalga oshirgan.