Донецкнинг “Шахтёр” клуби ярим ҳимоячиси Михайло Мудрик Италиянинг “Милан” ва “Ювентус” клубларининг трансфер таклифларини рад этди, дея хабар бермоқда УА-Фоотбалл Sempremilan.it'га таяниб.
Манбанинг хабарига кўра, футболчи Италия клубларида доимий ўйин амалиётига эга бўлишига ишончи йўқлиги сабабли шундай қарорга келган.
Олдинроқ "Байер" Донецк клуби билан футболчининг трансфери борасида келишиб олгани, шунингдек, футболчининг ўзи билан ҳам оғзаки келишувга эришгани хабар қилинганди. Томонлар фақат ушбу битимни расмийлаштиришлари керак.
Transfermarkt портали Михаило Мудрикнинг нархини 9 миллион еврога баҳоламоқда. Унинг “Шахтёр” билан шартномаси 2026 йилнинг декабригача мўлжалланган.
