"Ювентус" "Айнтрахт" ярим ҳимоячиси Филип Костич билан келишувга эришди, деб хабар беради Sky Sports Deutschland.
Манбага кўра, футболчининг жамоадан кетиш хоҳишига қарамай, немис клуби 29 ёшли сербни ўзида сақлаб қолмоқчи ва унга маоши 2,5 дан 4 миллион еврога кўтарилган шартнома таклиф қилмоқда.
Аввалроқ, "Айнтрахт" Костични 15 миллион еврога сотишга тайёрлиги ҳақида хабар берилганди.
2021/22 йилги мавсумда у немис клуби сафида 43 ўйинда 7 та гол урди ва 15 та голли узатмани амалга оширди.
Костичнинг шартномаси 2023 йилнинг июнида якунига етади.













