"Челси" "Севилья" ҳимоячиси Жюл Кундега асосий даъвогар бўлиб турибди. Лондон клуби 23 ёшли француз учун 50 миллион евро тўлашга тайёр, деб хабар беради Marca.
Аввалроқ Кундага "Барселона" ва "Реал"дан ҳам қизиқиш борлиги ҳақида хабар берилганди.
Франциялик футболчининг "Севилья" билан амалдаги шартномаси 2024 йилгача мўлжалланган.
Жорий мавсумда Кунде барча мусобақаларда 44 та ўйинда майдонга тушиб, 3 та гол урди ва 1 та голли узатмани амалга оширди.