Ҳужумчи Кристофер Нкунку “Лейпциг” билан янги шартнома имзолаш арафасида.
LVZ хабарига кўра, унинг янги шартномаси бўлажак трансфер ойнасида пайдо бўлиши мумкин бўлган 50 миллион фунт стерлинг (62 миллион доллар) товон пулини ўз ичига олади.
Аввалроқ, футболчи учун "Ливерпуль", "Челси", "Милан" ва "Манчестер Юнайтед" даъвогарлик қилаётгани хабар қилинганди.
Нкунку 2021/22 мавсумда Бундеслиганинг энг яхши футболчиси деб топилди. Франциялик футболчи жорий мавсумда “Лейпциг” сафида 34 та ўйинда майдонга тушиб, 20 та гол урди ва 15 та голли узатмани амалга оширди.
Умуман олганда, Нкунку “буқалар” сафида барча мусобақаларда 51 та ўйинда майдонга тушиб, 35 та гол урди ва 20 та голли узатмани амалга оширди.
