"Барселона" "Гранада" дарвозабони Луис Машимиану билан шартнома имзоламоқчи, деб хабар беради Mundo Deportivo.
Агар бразилиялик Нето жамоадан кетса, 23 ёшли португалиялик иккинчи дарвозабон ўрнини эгаллаши мумкин.
Каталонияликларнинг Машимиануга бўлган қизиқиши футболчи учун товон пули туфайли ортди, бу эса Гранаданинг қуйи лигага тушиб кетиши натижасида 25 дан 12,5 миллион еврога тушиб кетди.
Машимиану Ла Лиганинг 2021/22 йилги мавсумида энг кўп сейв қилган (127).
Унинг "Гранада" билан шартномаси 2025 йилнинг июнида якунига етади. Transfermarkt портали хабарига кўра, дарвозабоннинг нархи 12 миллион еврони ташкил қилади.