"Чикаго Файр" дарвозабони Габриэл Слонина Лондоннинг "Челси" клуби билан шартнома имзолашга яқин турибди. Бу ҳақда журналист Фабрицио Романо хабар берди.
Манбага кўра, "Чикаго Файр" "Реал"нинг 18 ёшли америкалик футболчи бўйича таклифини рад этганидан кейин "кўклар" фаол музокаралар олиб бормоқда.
Битим яқин орада ёпилиши мумкин. "Чикаго" ўз футболчиси учун камида 10 миллион евро олишни кутмоқда.
Слонинанинг МЛС клуби билан шартномаси 2023 йилнинг ёзида якунига этади. Габриэл “Чикаго” сафида жами 25 та ўйин ўтказиб, 36 та гол ўтказиб юборган.