Бразилиялик ҳимоячи Марсело "Реал"дан кетгани муносабати билан хайрлашув матбуот анжумани ўтказди.
Ўз нутқи давомида 34 ёшли футболчи кўз ёшларини тия олмади. Уни Реал Мадрид ТВ орқали жонли эфирда кўриш мумкин эди.
Ҳимоячи 2007 йилнинг қишида Бразилиянинг "Флумененсе" клубидан 6 миллион евро эвазига испан клубига ўтган эди. "Реал Мадрид"да ўйнаб юрган вақтида футболчининг трансфер нархи 70 миллион еврога етган.
Марсело жамоада 16 йил давомида 545 та ўйин ўтказиб, 38 та гол урган ва 103 та голли узатмани амалга оширган. У олти марта Ла Лига, беш марта Чемпионлар Лигаси, Испания Суперкубогида шунча марта ғалаба қозонган, тўрт марта жамоалар ўртасида Жаҳон чемпиони бўлган ва уч марта УЕФА Суперкубогини қўлга киритган.
