Англия жамоаси билан шартномаси 30 июнь куни якунига етадиган "Брентфорд" клуби ярим ҳимоячиси Кристиан Эриксен клубни тарк этишга қарор қилди. Журналист Алфредо Педулланинг хабар беришича, у жамоа билан янги шартнома имзоламайди.
"Асалари"лар 30 ёшли данияликни катта фарқ билан энг кўп маош олувчи футболчига айлантиришга тайёр эди.
Аввалроқ, футболчига "Манчестер Юнайтед", "Тоттенхэм" ва "Лестер" клублари қизиқиш билдираётгани ҳақида хабарлар тарқалган эди.
Ярим ҳимоячи 2022 йилнинг январьидан бери "Брентфорд" сафида тўп тепади ва жамоа сафида 10 ўйинда 1 гол ва 3 голга ассистентлик қилди. Ёзда у эркин агент мақомини олиши мумкин.
