"Арсенал" "Наполи" ҳужумчиси Виктор Осимхен учун 60 миллион евро таклиф қилди. Неаполликлар таклифни рад этишди, дея таъкидлайди II Mattino.

Неаполитанликлар клуби президенти Аурелио де Лаурентис ҳужумчини кейинги мавсумда қолдириш ёки ёзги мавсум оралиғида ундан пул ишлаш борасида ҳали бир қарорга келмаган. Клуб 23 ёшли нигериялик футболчи нархини 100 миллион евро деб ҳисобламоқда.

2021/22 йилги мавсумда Осимхен “Наполи” сафида 31 та ўйинда майдонга тушиб, 18 та гол урди ва 6 та голли узатмани амалга оширди.