13 июнь куни "Лос-Анжелес Гэлакси" ўзининг расмий сайтида ҳимоячи Жоржио Кьеллини билан шартнома имзолаганини эълон қилди.
"Ювентус" ва Италия терма жамоасининг собиқ ҳимоячиси Америка клуби билан 2023 йил охиригача шартнома имзолади.
Эслатиб ўтамиз, Кьеллини "Ювентус"да 2005 йилнинг июлидан буён ўйнаб келаётган эди. 2021/22 йилги мавсумда у 26 та ўйин ўтказди, аммо самарали ҳаракатлари билан ажралиб турмади.
Кьеллини “кекса синьора” сафида барча мусобақаларда 561 та ўйин ўтказиб, 36 та гол урди ва 25 та голли узатмани амалга оширди.