Франциялик ҳимоячи Преснел Кимпембе Миллатлар лигаси доирасида Хорватияга қарши ўйин (0:1) натижасига тўхталиб ўтди.
“Тўртта ўйиннинг бирортасида ҳам ғалаба қозона олмаганимиз умидсизлик. Биз натижалардан жуда хафамиз. Бизга кўп нарса етишмади, айниқса, етарлича жамоавий ўйин", - дея Кимпембе сўзларини келтиради УЕФА расмий сайти.
Франсия 2 очко билан гуруҳда охирги, Хорватия 7 очко билан иккинчи ўринда. Ушбу мағлубиятдан сўнг французлар Миллатлар лигаси чемпиони унвонини ҳимоя қилиш имкониятидан маҳрум бўлишди.