Ҳужумчи Луис Суарес Туриннинг "Ювентус" клубига ўз хизматларини таклиф қилди. La Gazzetta dello Sport хабарига кўра, уругвайлик футболчи фаолиятини Массимилиано Аллегри жамоасида давом эттирмоқчи.
Манбага кўра, "Ювентус" Суарес билан шартнома имзолаш имкониятларини фаол ўрганишга киришган. Агар клуб Алваро Мората трансфери борасида "Атлетико Мадрид" билан келиша олмаса, Суарес "кекса синьора"нинг ҳужумни кучайтиришдаги асосий мақсадига айланади.
Эслатиб ўтамиз, Суарес "Атлетико Мадрид"ни тарк этганидан кейин эркин агент мақомига эга. Уругвайлик футболчи кейинги мавсумда ҳам Европада ўйнашни давом эттириш ниятида.
