"Мидлсбро" ҳимоячиси Жед Спенс ёзда "Тоттенхэм"га ўтади. Британиянинг The Athletic нашри журналисти Девид Орнштейннинг айтишича, инглиз футболчиси "Мидлсбро" раҳбариятига клубни тарк этиш истаги ҳақида айтган.
Спенс ўтган мавсумни Чемпионшипда "Ноттингем Форест"да ижара асосида ўтказди, у узоқ вақтдан бери илк бор Англия Премьер-лигасига чиқишга муваффақ бўлди. "Ўрмончилар" сафидаги ўйинлари билан Спенс кўплаб топ-клубларнинг эътиборини тортди.
Спенс аввалроқ “Ноттингем Форрест”да қолишни истаётганини ошкора маълум қилганди, аммо афтидан, футболчи фикрини ўзгартириб бўлган, чунки у энди “Тоттенхэм”га ўтиш ниятида.
