Ҳужумчи Винисиус тез орада "Реал" билан шартномасини узайтирмоқчи, дея хабар беради Goal.
Айни дамда 21 ёшли бразилиялик таътилда, у қайтганидан сўнг Мадрид клуби билан янги шартнома имзолайди.
Клуб Винисиус билан шартномани 2028 йилгача узайтиришни режалаштирганди, бироқ футболчининг ўзи "қаймоқранглилар" раҳбариятини шартнома муддатини бироз қисқартиришга кўндирган. Битим 95% га якунланди - томонлар фақат кичик тафсилотларни ҳал қилишлари керак.
21 ёшли бразилиялик ўтган мавсумда 52 ўйинда майдонга тушиб, 22 гол урган ва 20 голга ассистентлик қилган.
Ҳужумчи Чемпионлар лигаси финалида “Ливерпуль”га қарши ўйинда (1:0) ягона гол муаллифига айланди.
