Hujumchi Vinisius tez orada "Real" bilan shartnomasini uzaytirmoqchi, deya xabar beradi Goal.
Ayni damda 21 yoshli braziliyalik ta’tilda, u qaytganidan so‘ng Madrid klubi bilan yangi shartnoma imzolaydi.
Klub Vinisius bilan shartnomani 2028 yilgacha uzaytirishni rejalashtirgandi, biroq futbolchining o‘zi "qaymoqranglilar" rahbariyatini shartnoma muddatini biroz qisqartirishga ko‘ndirgan. Bitim 95% ga yakunlandi - tomonlar faqat kichik tafsilotlarni hal qilishlari kerak.
21 yoshli braziliyalik o‘tgan mavsumda 52 o‘yinda maydonga tushib, 22 gol urgan va 20 golga assistentlik qilgan.
Hujumchi Chempionlar ligasi finalida “Liverpul”ga qarshi o‘yinda (1:0) yagona gol muallifiga aylandi.
